• Advertisement

如何打開剛搖晃過的汽水而不會噴?

不看不知道,一看真奇妙

如何打開剛搖晃過的汽水而不會噴?

Postby admin » Mon Sep 14, 2015 3:10 pm

http://hk.apple.nextmedia.com/supplemen ... 6/14590962

有味二氧化碳
香港人愛飲汽水,打邊爐再加支可樂真是一樂也!雖然好多人都知汽水有氣的原因是加入二氧化碳,不過到底二氧化碳怎樣令汽水變得有氣呢?香港新一代文化協會科學創意中心總監黃金耀博士話全靠高壓:「將二氧化碳高壓打入溶液混合,就會形成碳酸性液體,呢種二氧化碳唔似普通氧氣入面的二氣化碳成份,汽水味道就係因為碳酸而形成。基本上無論邊種液體,好似有氣水、果汁、茶或香檳,都可以咁做。當汽水打開後,氣體會溢出來,攤一陣飲就會變得只有甜味而無氣。家有啲日式超市有機器可以幫漏氣的汽水補氣,其實好似泵氣一樣。」

■手指敲罐側,會令氣泡變穩定而消失。
■手指敲罐側,會令氣泡變穩定而消失。
敲罐變穩定
普通打開汽水會感覺有氣走出來,因為高壓氣體會從打開的缺口溢出。而當搖動時打開就會噴泡,是因為罐內外的氣壓不同,「由於二氧化碳打入去時係高氣壓,分散於唔同位置,打開罐厴時就將氣體慢慢釋放出嚟。但搖罐會令罐內二氧化碳變得唔穩定,令氣泡釋放更多二氧化碳,氣壓積聚時打開罐會導致內外氣壓不同,因為大氣層氣壓比較低,高氣壓遇上低氣壓會令氣體膨脹,一打開罐氣泡會推住汽水向上湧,從缺口湧出嚟。其實唔同氣壓都會有呢個情況,舉個簡單例子,好似地鐵車廂好多人好逼係一種高壓,一打開車門出月台兼有大量空位就似低氣壓,咁人群一出車門就散開晒。」
別以為汽水被搖過就唔可以開來飲,其實等汽水內的二氧化碳穩定便沒問題。「正如空氣中的二氧化碳通常都在地面,不易上升。二氧化碳因為有碳分子,份量比水、汽水為重,在平穩狀態時候應該會沉於罐底。當搖動時氣泡會周圍走黐喺罐邊,想唔爆汽打開就可以圍圈敲罐邊,令氣泡即時上晒罐頂,當打開時因為氣泡已在罐頂,無汽水俾佢推,所以打開時都唔會噴。但其實搖完後唔開的話,放佢一段時間唔郁都會慢慢沉澱番落去。」據黃博士講,其他罐裝的有氣礦泉水等都可按上述方式解決。至於其他容器如膠樽和玻璃等,雖然敲打樽身都有用處,不過因為物料較鋁罐硬,可能用敲的效果未必咁好。


黃金耀博士

■據黃博士指,無論何種液體,如果汁、酒、水等,高壓加入二氧化碳都可以令溶液變成有氣。
噴氣小實驗

■大力搖汽水罐會令罐內的二氧化碳極不穩定。

■當打開罐口氣壓突變,氣體會帶同汽水噴出來。

■用手指敲罐側能令混亂狀態的二氧化碳變得穩定。

■此時打開罐厴便不會有氣泡及汽水噴出來。
另類汽水小知識
除了靠手指敲罐防止噴泡,在網上亦找到不少和汽水有關的小知識。原來汽水和不同物質相遇,都會有些奇異的效果。


1.越凍越好飲:
溫度越低,氣體溶解在水中的溶解度越高,所以趁汽水冰凍時飲,二氧化碳溶得更勁變成碳酸,味道更刺激。


2.冰水加鹽冷卻:
冰水加鹽後會產生綜合效應,令水的溫度變得更低,再放汽水入去攪兩分鐘,將冰水和汽水內的液體進行熱置換,能使汽水溫度急速下降。

3.加萬樂珠勁噴:
早排瘋傳短片顯示將多粒萬樂珠放入汽水會勁噴,因為萬樂珠表面滿佈小孔,二氧化碳在其表面迅速聚集形成大量氣泡,令瓶內壓力增大,將汽水壓出瓶外,形成噴泉效果。




4.落鹽狂起泡:
將鹽放入汽水中會產生大量泡沫,原因是鹽溶解到汽水中,造成汽水中的二氧化碳溶解度降低,加速了二氧化碳從汽水中揮發出來,形成泡沫。
  • 0

Share/分享:
懶得有理_____難得有你
think unique,be special
admin
Site Admin
Site Admin
 
Posts: 3373
Joined: Sat May 22, 2010 7:54 pm
Reputation: 0

Return to 生活小百科

Who is online

Users browsing this forum: No registered users and 1 guest

cron
Reputation System ©'